YOGA DAY

ഹോളി ഫാമിലി എൽ.പി.ജി. സ്കൂളിൽ യോഗാദിനാചരണം*

മുട്ടം, ചേർത്തല: ഹോളി ഫാമിലി എൽ.പി.ജി. സ്കൂളിൽ അന്താരാഷ്ട്ര യോഗാ ദിനാചരണത്തിന്റെ ഭാഗമായി യോഗാദിന പരിപാടി സംഘടിപ്പിച്ചു. ജൂൺ 21-ന് ആചരിക്കുന്ന അന്താരാഷ്ട്ര യോഗാ ദിനത്തോടനുബന്ധിച്ച് ജൂൺ 22-ന് നടന്ന പരിപാടി സ്കൂൾ ഹെഡ്മാസ്റ്റർ ശ്രീ. ബെന്നി ജോൺ ഉദ്ഘാടനം ചെയ്തു.

യോഗ പരിശീലകരായ ജോണി സാറും ജെസ്സി ടീച്ചറും വിദ്യാർത്ഥികൾക്ക് വിവിധ യോഗാസനങ്ങളും പ്രാണായാമ പരിശീലനങ്ങളും നൽകി. വിദ്യാർത്ഥികളിൽ ശാരീരികവും മാനസികവുമായ ആരോഗ്യം വളർത്തുക എന്ന ലക്ഷ്യത്തോടെയായിരുന്നു പരിപാടി സംഘടിപ്പിച്ചത്.

സ്കൂൾ മാനേജ്മെന്റിന്റെ നേതൃത്വത്തിൽ നടന്ന ചടങ്ങിൽ അധ്യാപകരും വിദ്യാർത്ഥികളും പങ്കെടുത്തു. യോഗയുടെ പ്രാധാന്യത്തെക്കുറിച്ചും ആരോഗ്യകരമായ ജീവിതശൈലി രൂപപ്പെടുത്തുന്നതിൽ യോഗയുടെ പങ്കിനെക്കുറിച്ചും ബോധവത്കരണ സന്ദേശം നൽകി. തുടർന്ന് വിദ്യാർത്ഥികൾ കൂട്ടായ യോഗാപ്രകടനം അവതരിപ്പിച്ചു.